Sosialy

Tanànan’i Mahajanga Ny fanarian-jaza indray no naresaka

Sosialy
Alatsinainy 15 Jona 2020

Ankoatra ny fiatrehana amin’ny ady amin’ny tsimokaretina covid-19 sy ny fitandremana tsy ho voan’ny “dengue”

dia ny resaka fanarian-jaza indray no naresaka tany an-tanànan’i Mahajanga tamin’ny faran’ny herinandro teo (alakamisy 11 jona). Tao Mahavoky Atsimo Atsahabingo ohatra dia zazavavy kely vao menavava no nisy nanary teny an-toerana nefa dia salama tsara izy io ankehitriny rehefa nahazo fizahana sy fitsaboana teny amin’ny hopitaly CHU Androva. Zaza rano tokony ho 7 volana eo ho eo kosa no nisy nanary teny amin’ny “Pont Fitim”, tamin’io alakamisy io ihany. Tsy hay, hoy ny nanatri-maso, na vao avy nesorin-dreniny izy io vao naterany ihany koa fa izy efa tsy nisy aina intsony no hitan’ny olona.

Ntsoavina Evariste