Sosialy

TAMIA sy fetim-pirenena Nahatsiaro an’ireo ankizy sy marefo ara-pivelomana

Sosialy
Alakamisy 27 Jona 2019

Toy ny fanaony isan-taona rehefa fetin’ny Asaramanitra tahaka izao dia nanatanteraka asa sosialy mahazatra azy indray ny fikambanana Tamia « TAnora MIAntsehatra » araka ny tarigetra napetrany tany am-pananganana ny fikambanana tamin’ny taona 2011,

dia ny “miady amin’ny fitiavan-teny sy manolotra tsy misy takalony. Teny amin’ny fokontanin’Ambohimirary Ambatokaranana ary izy ireo, notarihan’ny filohany, Randriamahefa Benjamina, no nanolotra fotsim-bary ho an’ireo zokiolona sy marefo ara-pivelomana ao amin’ity fokontany ity sy harendrina hoan’ny kilonga madinika koa tamin’ny talata 25 jona 2019 ankatoky ny fetin’ny fahaleovantena mba hahazoana ny rehetra misitraka izany fety izany fa tsy hijerena saranga ny fankalazana an’izany fetim-pirenena izany.

Ntsoavina Evariste