Sosialy

Tale jeneralin’ny UNICEF “Tandindonin-doza ny ankizy maneran-tany”

Sosialy
Alarobia 18 Septambra 2019

Tao anatin’ny taratasy misokatra miantefa amin’ny ankizy maneran-tany no nambosahan’ny Tale jeneralin’ny UNICEF Sampandraharaha iraisam-pirenena miaro ny zon’ny ankizy, Rtoa Henrietta H.

Fore fa anton-javatra valo no hanompanany ny finiavany hisian’ny tsirim-panantenana amin’ny hoavin’ny taranaka ankehitriny. Mifanandrify amin’ny fanamarihana ny faha-30 taonan’ny nananganana sy nanaovana ny fifanaovant-tsonia momba ny fiarovana ny zon’ny ankizy izany. Navoitrany ny hifehezana ny fifanolanana miitatra hatrany, ny fihasarotan’ny olana ateraky ny fiovaovan’ny toetr’andro, fifindra-monina mahery vaika, fitomboan’ny fikorontanana ara-tsaina, indrindra ho an’ny tanora, fiovana an-dalàn’ny vaovao sy fahalalana isan’ny toe-javatra ratsy mandindona ny ankizy amin’izao fotoana izao. Loza mandindona hatrany ihany koa ny tsy fahafahana miditra an-tsekoly, ny tsy fitoviana sy ny fanavakavahana, ka hanompanan’ny UNICEF ny paikadiny amin’ny fiarovana ny zon’ny ankizy. Tena manova ny fahazazana amin’izao ny tontolon’ny teknolojia, ka mila tandremana. Ho anareo ankizy, fotoana izao andronareo izao hahafahana mametraka sy manakatra ny fanamby hahafaha-manova izao tontolo izao, izay tsy takatra na tsy voasainan’ireo ray aman-dreninareo, hoy Rtoa Henrietta H. Fore.

Toky R