TALATA VOLONONDRY

Mitaraina ny mponina fa feno

Sosialy
Alarobia 21 Janoary 2026

fotaky ny tetikasa lalambe ny tanimbariny

Tonga nidina ifotony tao amin'ny kaominîna ambàivohitr'i Talata Volonondry omaly Talata 20 Janoary ny Solombavambahoaka Avotraina Andriamosa sy ny mpiara-miasa aminy rehefa naharay ny fitarainan'ireo mponina ao amin'ny Fokontany Ambolo, Ambohimiadana, Ankadivoribe ary Antsahamaro. Raha ny fantatra mantsy dia miteraka olana ho azy ireo hatrany ilay tetikasa Auto-route na lalambe mikodana manoloana ny asa fambolena fiharian'izy ireo. Noho ny tsy fahampian'ny tatatra hivoahan'ny rano dia lasa miangona amin'ny tanimbary ny ranom-potaka ka tsy afaka mamboly sy mampiasa ny taniny ireo tantsaha. Nisy noho izany ny fitadiavam-bahaolana ho azy ireo niaraka tamin'ny fiadidian' ny Kaominina Talata Volonondry, notarihin'ny Ben'ny Tanàna mpisolo-toerana sy ny Lefitra voalohany, ny zandarimariam-pirenena , ny avy eo anivon'ny Orinasa SAMCRETE, izay orinasa miandraikitra ny fanatanterahana ilay tetikasa. Tanjona ny hanamaivanana ny fahasahiranan'ireo tantsaha amin'ny asa fihariana sy fivelomana hataony.
Pati
Légende : Tahaka izao ny manjo ny tanimbary ! Ny depiote Avotraina Andriamosa nihaona tamin'ny mponina !