Sosialy

TAKSIBE MIHODINA AN-DALANA Mila fiaraha-miasa amin’ny CUA ireo kaominina manodidina

Sosialy
Alatsinainy 26 Aogositra 2019

Tsy misy izay tsy mitaraina amin’ny hafitsoky ny taksibe ny ankamaroan’ny mpandeha eto an-drenivohitra sy ny manodidina.

Ho an’ny eny Itaosy Atsimondrano manokana, ohatra, dia anisan’ny olana mbola sedrain’ny mpandeha ny tsy fahatongavan’ny taksibe any Analakely, toby fiantsonana farany. Mihodina an-dalana eny 67 ha avokoa izy ireo, indrindra ny maraina ora fandehanan’ny mpiasa mamonjy asa, fotoana tena mahabetsaka ny fitohanana eny an-toerana. Ho an’ireo mihazo ny hopitaly Itaosy manokana dia nambaran-dRatianarivo Bruno, ben’ny tanànan’Ambavahaditokana fa efa tena miezaka izy ireo manao izay ho afany mandamina ny fifamoivoizana ao amin’ny faritra iadidiany. Anisan’izany ny fanarahan’ireo fitaterana araka ny tokony ho izy ny “cahier de charge” sy ny fanaovana hatrany ny zotra mihazo ny hopitaly, tsy miovaova. Na izany aza anefa dia ilaina ny fiaraha-miasa amin’ny kaominina Antananarivo Renivohitra mba hahalavorary tsara ny asa. Hatreo Ampasika ihany mantsy raha ny fanazavany no azon’ireo zandary sy polisy arahi-maso izy ireny.

Pati