Sosialy

Taksibe Ivato Mbola misy manao ny ataony ihany

Sosialy
Alarobia 21 Aogositra 2019

Na dia efa natao zotra filamatra aza ireo taksibe ao amin’ny zotra D mampitohy an’i Vassacos amin’ny tanànan’Ivato dia mbola misy ihany ireo manao ny ataony.

Amin’ny ora mahabetsaka ny mpandeha hamonjy asa no tena ahitana izany toy ny nitranga tetsy Andohatapenaka ny alatsinainy lasa teo. Zara raha nijanona ilay fitaterana sprinter iray nandray olona nefa mbola nisy seza telo tao anatiny. Voatery nihazakazaka ireo maika hamonjy asa nanenjika azy ka nisy mihitsy ny naratra na dia teo amin’ny toby fiantsonana aza no niandry. Rehefa notenenina ilay mpanampin’ny mpamilin’ilay fiara dia mbola vavabe indray no nataony ary nilaza izy fa rehefa tsy hihazakazaka hanenjika aza, hono dia afaka mijanona satria maika izy. Nitambaran’ireo mpandeha tao anatin’ity taksibe ity moa ilay resevera vao nangina tanteraka.

Pati