Sosialy

Tabera Randriamanantsoa Aretin’ny fo no nandefasana azy any ivelany

Sosialy
Alatsinainy 02 Martsa 2020

Efa tonga soa aman-tsara any amin’ny Nosy rahavavy Maorisy tamin’ny faran’ny herinandro teo Atoa Tabera Randriamanantsoa,

filohan’ny antoko Kintana sady efa minisitry ny asam-panjakana teo aloha. Raha araka ny fanazavan’ny pastera Edouard Tsarahame, ao amin’ny rodoben’ny mpanohitra izay mpiara-miasa akaiky aminy dia aretin’ny fo no tsy maintsy nandefasana azy any ivelany raha efa nahitana fivoarany kosa ilay aretina hafa nitsaboana azy teto an-toerana. Tsy vita eto mantsy izany fitsaboana momba ny fo tsy maintsy hatao amin’Atoa Tabera izany, hoy izy. Ny fianakavian’ity farany no niantoka ny fandefasana azy any ivelany tamin’ny alalan’ny fanofana jet privé raha araka ny fanazavany hatrany raha ny minisiteran’ny fahasalamam-bahoaka kosa no mandray an-tanana ny fitsaboana azy. Manantena, araka izany, ireo mpiara-dia amin’Atoa Tabera fa hahazo fahasalamana tsy ho ela ity farany ary ho tafaverina soa aman-tsara an-tanindrazana.

Pati