Sosialy

STAR TOUR andiany faharoa Any Antsirabe manomboka ny 20 aprily ho avy izao

Sosialy
Zoma 05 Aprily 2019

Toy ny fanaony isan-taona dia hanatanteraka ilay Star tour ao Antsirabe, toerana malaza rehefa fetin’ny Paska ny orinasa Star.

Hanomboka ny 20 aprily ho avy izao no hanatontosany izany amin’ny alalan’ny hetsika maro samihafa. Ankoatra ny lanonana isan-kariva hahafahan’ny mpinamana, mpifankatia miara-misakafo sy milanonana dia hisy ny fifaninanana maro azon’ny rehetra handraisana anjara, anisan’ireny ny ankizy izay hanana ny toerana manokana. Azon’izy ireo atao tsara ny manao diabe amin’ny alalan’ny fihaingoana maro samihafa, ny fifaninanana hazakazaka am-bisikileta... Ho an’ny fampisehoana manokana dia mpanakanto maro no hifandimby hanafana ny lanonana toa an’i Dadi Love, Tence Mena, Lola, Jess Flavi One sy Mad Max miaraka amin’ireo mpampandihy fanta-daza toa an’i Dj Nicki DiManu, Dj Sniper ary Teejay Jerry. Araka ny tafa nifanaovan’ny mpikarakara tamin’ny mpanao gazety omaly dia tsy atahorana ny fandriampahalemana fa efa voafehy tanteraka. Hahazo loka daholo ihany koa ny mpandray anjara rehetra. Tsy misy vidim-pidirana ny lanonana.

. Pati