Sosialy

SOS Village d’enfant Nitaiza ankizy 50 000 tao anatin’ny 30 taona

Sosialy
Talata 01 Oktobra 2019

913 ireo zaza kamboty noraisin’i SOS Village d’enfant Madagasikara. 1992 kosa ny fitambaran’ireo zaza sy tanora nampianarina. 19 308 ireo nahazo fiahiana ara-pahasalamana. ary 22 194 no nahavitana taratasy.

Nandritra ny fankalazana ny faha-30 taona niorenan’ny fikambanana iraisam-pirenena SOS Village d’enfant omaly tetsy Vontovorona dia nisy ny fanolorana peratra tamin’ireo reny mpiahy noho ny fandavan-tenan’izy ireo. Tetsy an-kilany dia nanolotra mari-pankasitrahana sy mari-boninahitra ho an’ireo mpiasa 107 an’ny SOS Village d’enfant ny fitondram-panjakana. Tsy miova ny tanjon’ny fikambanana fa ny hanova ny ho avin’ireo zaza sy tanora tsy manam-piahy. Amin’izao fotoana izao dia manana akany 4 sy ivontoerana ara-tsosialy am-polony manerana an’i Madagasikara ny fikambanana SOS Village d’enfant izay nandraisana sy nikarakarana zaza, ankizy, tanora kamboty manodidina ny 50.000 anatin’ny 30 taona niorenany izay niezahan’ny fikambanana nanatanteraka nofy sy nitondra fahaleovantena ho an’ireo ankizy ary nanasoa ny fiarahamonina malagasy.

Tsirinasolo