Sosialy

« Somambisamby 2019 »n-dry Mahaleo Hipoka tanteraka ny Lapan’ny Kolontsaina

Sosialy
Alatsinainy 06 Mey 2019

Nalai-nisaraka tamin’ny tarika Mahaleo toy ny mahazatra ny mpankafy azy tetsy amin’ny seho Somambisamby 2019 notontosain’ny Gasy Event tao amin’ny Lapan’ny Fanatanjahantena Mahamasina omaly alahady 05 mey 2019.

Feno hipoka tanteraka hatreny am-pototry ny lapihazo indray ity Lapa ity omaly ka saika tazana tao daholo na ireo zokinjokiny indray nihira tamin’ny tarika na ireo zaza bodo vao vory saina nefa dia efa mahay an’ireo hiran’ny tarika Mahaleo sahady. Naseho tamin’ny “écran géant” rahateo ireo toninkira rehetra ka niara-niredona izany ny rehetra. 6 mirahalahy no nandrafitra ny tarika Mahamaleo omaly : Dama sady nanao ny hiran-dRaoul, i Bekoto, Dadah, Charles, i Nary nitendry gitara “basse” fanaon’i Nono ary i Ony “Zandry Gasy” namelona ny feon’i Fafah. Efa vitanay ny 20 taona voalohany, hoy i Dama, efa vitanay koa ny 20 taona faha-2, fa miatrika ny faha-20 taona fahatelo izay tadim-panohizana anay zokinjokiny sy ny tanora mpandimby rahampitso isika ankehitriny.

Ntsoavina Evariste