Sosialy

“Société SDOI” Nizara savony ho an’ny traboina sy sahirana

Sosialy
Talata 05 Febroary 2019

Notanterahina ny zoma 01 febroary 2019 sy ny sabotsy 02 febroary lasa teo ny fanomezana fanampiana ireo traboina sy olona sahirana teto amin’ny faritra Analamanga nataon’ny orinasa na ny “SOCIETE SDOI”,

izay mahatsiaro tena ho manana adidy amin’ny mpiray tanindrazana amin’izao fotoan-tsarotra izao. Marihina fa orinasa mpamokatra savony ny SDOI, ka anisan’ny zavatra natolony ho fanampiana ireo olona tratry ny loza voajanahary niseho teto Madagasikara izay namoizana ain’olona maro izany. Anisan’ireo nitondra ny anjara birikiny izany izy ireo, ankoatra ireo manampahefana eto amin’ny firenena. Naneho fisaorana ireo rehetra tsara sitrapo sy ireo mbola vonona hifanome tanana an’ireo Malagasy noho ny voin-kava mahatratra ny SDOI. Ho an’ity orinasa ity manokana, dia hitohy any amin’ny faritra SAVA izao asa sosialy hataon’izy ireo izao, raha ny fanampim-panazavana. Voin-kava mahatratra rahateo ny fahasahiranana lalovan’ny mpiara-belona amin’izao fotoana izao, ka zava-dehibe ny asa sosialy sy anjara biriky hoentin’ireny orinasa lehibe ireny.

Toky R