Sosialy

Soanierana Ivongo Asiana zioga toy ny biby ilay tsy salama saina

Sosialy
Alakamisy 05 Martsa 2020

Tranga tsy dia fahita firy eny amin’ny fiarahamonina ity hita any Soanierana Ivongo ity, izay zary lasa niteraka adihevitra.

Olona iray voalaza fa tsy salama ara-tsaina no nohidiana ny tanany anankiroa, ka mizoga hazo any amin’izay rehetra alehany. Tsy haritro ka nalaiko sary, hoy ny olona nahatsiaro ho tohina manoloana ilay toe-javatra. Raha adala ve ny olona iray dia tsy maninona raha asiana zioga be ohatra an'io ny tanany? Tsy misy fitazonana adala ve eto amintsika na hopitaly afaka mandray an-tanana ny olona manana olana ara-tsaina tahaka izao ? Very zo ve ny adala ka ampitoviana amin’ny biby sanatria tahaka ny alika, liona na voay masika be ny fitondrana azy ? Amiko dia mampalaelo sy tsy rariny satria olombelona izy io, hoy ny fanehoan-kevitra. Tena niteraka adihevitra lehibe tao anatin’ny tambajotran-tserasera moa ity tranga anankiray ity.

Toky R