Sosialy

Siramamy sy menaka Niaka-bidy indray eny an-tsena

Sosialy
Talata 17 Aprily 2018

Nahitana fiakarany 200 Ar isaky ny kilao ny vidin’ny siramamy eny amin’ny tsenan’Anosibe nanomboka ny herinandro teo.

Nahitana fiakarany 2.000 isaky ny bidon 20 litatra ihany koa ny vidin’ny menaka izany hoe : raha 80.000 Ar teo aloha dia tafakatra ho 82.000 Ar ankehitriny. Ankoatra izay raha araka ny fanazavan’ireo mpivarotra etsy Anosibe ihany dia nahitana fiakarany ihany koa ny vidin’ny atody noho ny fidiran’ny vanim-potoana ririnina izay mampahavitsy ny atody alatsak’ireo akoho. Velon-taraina avokoa vokatr’izany ny mpivarotra ka ho an’ireo mpanao kafé sy mofo ohatra dia any amin’ny habetsaky ny kafe sy ny hatevin’ny mofo endasina no hahenan’izy ireo, raha araka ny fanadihadiana natao. Na izany aza anefa dia nahitana fihenany 200 Ar isaky ny kilao kosa ny vidim-bary eny amin’ny tsenan’Anosibe. Noho ny fitobaky ny vary vao no voalaza fa anton’izany. Raha 2300 Ar ohatra ny iray kilao tamin’ny vary gasy teo aloha dia nidina ho 2100 Ar izany ankehitriny.