Shyn, Ambasadaoron’ny banky NIM

«Manan-jo hanana toerana ara-tsosialy ambony ny malagasy rehetra»

Sosialy
Talata 26 Martsa 2024

Tontosa omaly tetsy amin’ny foiben’ny NIM na «Nouvelle institution de microfinance»

etsy Andavamamba ny fifanaovan-tsoniam-piaraha-miasa teo amin’ity banky ambara hatrany fa 100% malagasy ity sy ny mpanakanto Shyn. Efa hatramin’ny nisokafan’ity banky ity ny taona 2022 ity mpanakanto ity, hoy ny fanazavan’ny tale jeneralin’izy ireo, Harizaka Rakoto, no teo anivon’ity banky ity ary teo foana fa izao vao ho hamafisina amin’ny fomba ofisialy ny maha ambasadaoron’izao banky izao azy. Handray anjara amin’ny fampiroboroboana renivola sosialy koa, araka izany, ity mpanakanto ity. Niresaka tamin’ireo isan’ny mpiara-miombon’antoka eto anivon’ny banky aho, hoy i Shyn, hoe inona no azo atao handraisana anjara amin’ny fampandrosoana an’i Madagasikara. Ity banky ity afaka manampy ny tantsaha, hoy izy. Manan-jo hanana toerana ara-tsosialy ambony ny malagasy rehetra, hoy ihany izy.
J. Mirija