Sosialy

Serge Zafimahova “Hevitra hafa tadiavina fa tsy fampitrosana”

Sosialy
Alakamisy 13 Aogositra 2020

Sao dia tokony hevitra hafa no tadiavina fa ho sahirana ny mpiasa hamerina izany na dia 0% azany zana-bola, hoy ny Fanehoan-kevitr’Atoa Serge Zafimahova eo anatrehan’ny vinan’ny fanjakana hampindrana vola ho an’ny mpiasa mpikambana ara-dalàna ao amin’ny CNaPS.

Marina fa misy hamehana, fa misy hevitra hafa azo hanampiana ny vahoaka, hoy izy. Ny Amerikanina, ohatra, nanao vatsy, izay mitovitovy amin’ny vatsy tsinjo, misy vola omena mivantana. Ny any Ghana dia tsy mandoa jiro sy rano ny vahoaka,…. Ny antsika kosa fampitrosana, izay tsy eken’ireo sendika sy ny mpiasa nandoa latsakemboka tao amin’ny CNaPS hatreto. Manoloana ny fihetsiky ny Filoha Rajoelina kosa, dia politika ankampobeny no tantanin’ny Filoha, kanefa lasa miditra pitsopitsony amin’ny tsy anjarany, ka lasa “vulnerable” na marefo izy, raha ny fanehoan-kevitr’i Serge Zafimahova. Tokony ny Praiminisitra, ny mpikamban’ny governemanta, teknisianina no mandray ny andraikiny, hoy ity mpitarika ny vovonana Dinike ity.

Toky R