Sosialy

Seraben’ny asa Hotanterahina any Toamasina ny andiany faharoa

Sosialy
Zoma 13 Septambra 2019

Mahatratra 4 tapitrisa ireo olona tsy an’asa eto amintsika. Ny 70 %-n’ireo dia tanora avokoa,

raha araka ny fanazavana azo omaly ka tafiditra ao ireo nahavita fianarana nefa tsy mahita asa ankoatra ireo mirona anatin’ny asa fivelomana tsy ara-dalàna. Mba ho fanampiana azy ireny dia hotanterahina any Toamasina indray ny andiany faharoa amin’ilay seraben’ny asa. Ny 25 sy ny 26 oktobra ho avy izao no hanatontosana ny hetsika manoloana ny esplanade eo amin’ny hotel de ville. Mahatratra 150 ireo mpandray anjara hitondra ny fahaiza-manaony sy ny traikefany amin’ireo tanora any an-toerana ka anisany ireo hampianatra fotsiny momba ny fandrafetana CV. Manodidina ny 30.000 isa kosa ireo olona andrasana ho avy hitsidika ity hetsika ity. Ny minisiteran’ny asa, ny fampananan'asa; ny asam-panjakana ary ny lalàna sosialy moa no hikarakara ny hetsika izay manana tanjona hameno ny banga amin’ny filàn’ireo tanora momba ny asa eto amintsika.

Pati

Legende : Nandritra ny fanokafana ny seraben’ny asa andiany voalohany teto Antananarivo !( Sary mpikarakara ny seraben’ny asa)