Sosialy

Sendika eto Madagasikara Efa maherin’ny 400 isa

Sosialy
Zoma 17 Desambra 2021

Tafapetraka ny drafim-pitantanana iatrehan’ny Randrana sendikaly ny 3 taona, izany hoe 2022-2025. Hametrahana ihany koa izany ny rafitra iatrehana ireo tolona sendikaly marobe satria hafanafana ny tontolon’ny asa eto

Madagasikara amin’io taona 2022 io, hoy izy ireo. Eo ny resaka volan’ny CNAPS, ny lalana mifehy ny asa, ny lalana mifehy ny fitrandrahana, ireo fifanarahana iraisampirenena rehetra. Ankoatran’izay moa izany ireo olan’ny mpiasa iainany isan’andro eny amin’ny toeram-piasany eny. Napetraka ny drafitra sy ny rafitra miisa 3 mazava ao anatiny ao dia ny mpamolavola sady mpanapa-kevitra, mpamolavola sady mpanolo-kevitra, mpanatanteraka sy mpanolo-kevitra. Ny fiatombohan’io taona 2022 io no hanolorana ireo olona handrafitra izany. Mametraka drafitra enti-miady hatrany ihany koa izahay isan-taona ary manentana ireo mpiasa mba hiditra sendika tsy amin-tahotra amin’izay satria efa miisa 400 mahery ny sendika eto Madagasikara ka misy isafidianana tsara, hoy hatrany ny Randrana sendikaly.
J. Mirija