Sosialy

Sekretera mpanatanteraka vaovaon’ny BNGRC « Hanao laharam-pahamehana ny fitantanana mangarahara »

Sosialy
Sabotsy 13 Aprily 2019

Tontosa omaly tetsy amin’ny birao nasionaly misahana ny loza sy tandindon-doza na BNGRC etsy Antanimora ny fifamindram-pahefana teo amin’ny sekretera manatanteraka teo aloha, Thierry Venty sy ny vaovao, Elac Olivier Andrianjaka. Hatao laharam-pahamehana, hoy ny sekretera mpanatanteraka vaovao, ny fanamafisana ny fiaraha-miasa amin’ny mpiara-miombon’antoka satria matetika misy ny tsy mahafa-po azy ireo.

Eo amin’ny fampiasana ireo fitaovana, ohatra, ny fiarakodia dia samy manana ny asa natokana ho azy ka tokony ho hajaina izany. Hanao laharam-pahamehana ny fitantanana mangarahara ny tenako, hoy izy. Eo ihany koa ny lafiny fandrindrana mba tsy hifanitsaka ny anjara asan’ny BNGRC sy ny an’ireo mpiara-miombon’antoka. Io ilay antsoina hoe “leadership fort”. Ezahana ny hanamafisana fanarenana ny tsy mety na ny “reconstruction” toy ny fisorohana mialoha ireny tranga teny Ampa hiarahan’ny marinana ireny.

J. Mirija