Sosialy

Sekoly Sainte Famille Mahamasina Mpampianatra 47 notolorana mari-boninahitra

Sosialy
Alakamisy 16 Mey 2019

Fotoana nanan-danja ho an’ireo sekoly lasalianina miisa 12 tantanan-dry frera manerana ny Nosy ny datin’ny omaly alarobia 15 mey.

Ankoatra ny fankalazan’izy ireo ny faha-100 taona nahafatesan’ny masindahy Louis Raphael Rafiringa sy ny fahafolo taona naha olon-tsambatra ity farany mantsy dia nomarihina omaly ihany koa ny taon-jaobily faha-300 taona nahafatesan’ny masindahy Joany badista de lasalle izay mpiaro ny mpanabe sy ny fahaterahany tany an-danitra. Fizarana mari-boninahitra ho an’ireo mpanabe nahavitabe miisa 47 teo anivon’ny sekoly Institution Sainte Famille Mahamasina no nentin’ity sekoly iray ity nanamarihana izany omaly sady nampirantiana ireo zava-bitan’ny mpianatra ao amin’ny sampana teknika ihany koa. Nambaran’ny frera Tolojanahary Zo Michel izay, provizera eo anivon’ny sekoly iray ity fa mampiavaka azy ireo ny fitaizana ara-panahy sy vatana ary saina omena ny mpianatra.

Pati