Sosialy

Partagé sur :
• facebook

Mila ahena na soloina mihitsy ny hetra alaina amin’ny lafiny nomerika hoy ireo mpisehatra amin’izany

 nandritra ny fampahafantarana ny hetsika “25 ans de patriotisme numérique” tetsy amin’ny ARTEC (Autorité de Régulation des Technologies de Communication) Alarobia. Ambony loatra ny hetra tsy mivantana alaina amin’ny fandaniana (Droit d’Accise) amin’ny sehatra fifandraisan-davitra voasoritra ao anatin’ny Lalànan’ny Tetibola (LFI) 2019 hoy ny teo anivon’ny Internet Society (ISOC) sy ny NIC-MG. Tsy tokony ampitoviana amin’ireo vokatra toy ny toaka sy sigara na ny harena an-kibon’ny tany izay tokony hangalana hetra ambony ny hetra alaina satria ny sehatra nomerika no hampiray ny Malagasy rehetra ary hiteraka fampandrosoana ara-toekarena. Rehefa mihena io hetra io dia hihamaro be ny hisitraka ny fampiasana ny fitaovana hiseraserana. Amin’izao dia vitsy ny Malagasy misitraka izany satria lafo hatrany ny sarany noho io hetra ambony be alaina io. Samy hahazo tombony avokoa anefa na ny fanjakana na ny mpandraharaha, indrindra ny vahoaka rehefa midina io hetra io ary ho hihazakazaka ny fandrosoana. Amin’ny 12 sy 13 desambra ho avy izao moa ny hanatanterahana ny hetsika fihaonam-be iraisam-pirenena mahakasika ny nomerika izay hotanterahina etsy amin’ny Hotely Ibis Ankorondrano. Hisy ny manampahaizana manokana hiresaka momba izany ary hanao famelabelaran-kevitra maro mihitsy  hanazava ireo sehatra manodidina ny nomerika.

Tsirinasolo

Tia Tanindrazana

Samia mijoro ho an'i Gasikara.