Sosialy

Sefom-pokontany ao Boriziny Roa taona tsy nandray karama

Sosialy
Alarobia 05 Oktobra 2022

Nandefa taratasy fanairana tamin'ny Lehiben'ny distrika ao Port Bergé ireo Sefom-pokontany any an-toerana sy ny lefiny fa tsy hanao ny asa napetraky ny fanjakana aminy noho ny tsy mbola nahazoan’izy ireo ny

tambin-karamany tao anatin’ny roa taona. Vola 20.000 Ar monja isaky ny sefom-pokontany anefa no mba alaina amin’izany saingy mbola hampifilafilaina ihany no sady elabe vao tonga. Tsy handray anjara amin'ny fanomezana kopia faobe sy fanavaozana ny lisi-pifidianana ho an’ireo feno 18 taona rehetra isam-pokontany araka izany izy ireo. Mety hiova kosa anefa ity fanapahan-kevitra ity raha toa ka tonga soa amantsara eo am-pelatanan’izy ireo ny tambin-karamany hoy hatrany ny vaovao.
Nangonin’i Pati
Legende : Ilay taratasy nanangonan’ireo sefom-pokontany ny sonian’izy ireo