Sosialy

Saram-pisoratana - EPP Ilay 4.000 na 5.000 Ar isaky ny ankizy no nofoanana

Sosialy
Alarobia 06 Novambra 2019

Niteraka resabe teto amintsika mihitsy efa ho tapa-bolana izao ny fisian’ilay fanambarana nataon’ny minisitry ny fanabeazam-pirenena Rtoa Volahaingo Marie Therese

mikasika ny tsy fisian’ny saram-pisoratana anarana eny anivon’ny EPP intsony ho an’ireo mampiana-janaka any amin’ny sekolim-panjakana. Mbola nanamafy izany indray ity minisitra ity omaly ka notsindriany tsara fa ilay 4.000 na 5.000 Ar isaky ny ankizy mpianatra no nofoanan’ny fanjakana, izany hoe ilay hividianan’ny sekoly tsaoka. Ny fanjakana no handoa izany eny anivon’ny EPP tsirairay avy, hoy izy amin’ny alalan’ny “caisse ecole”. Tsy hidiran’ny fanjakana amin’ny alalan’ny minisitera kosa ny fisian’ireo karazana latsakemboka tsy maintsy aloan’ny ray aman-dreny entina hanasoavana ny sekoly misy ny menaky ny ainy toy ny karaman’ireo mpampianatra FRAM, ohatra, ny karaman’ireo mpahandro sakafo ho an’ireo manana cantine….. Miankina amin’ny sekoly tsirairay avy sy ny ray aman-dreny ny fanapahana izany, hoy hatrany ny minisitra raha ny FEFI kosa no mpandrindra.

Pati