Sosialy

Sampana mpamonjy voina Tsaralalana Ho afaka hiditra amin’ny toerana saro-dalana amin’izay

Sosialy
Sabotsy 29 Septambra 2018

Ho afaka hiasa any amin’ireo toerana saro-dalana amin’izay manomboka izao ny mpamonjy voina eto Antananarivo Renivohitra.

Nanome fitaovana maoderina mahavita izany asa sarotra izany ho azy ireo mantsy omaly ireo olona tsara sitrapo malala-tanana avy amin’ny fianakaviana Razakarivony sy ny orinasa Madecasse, ao anatin’ny fikambanana Phénix. Fitaovana maro ahafahana manatsara ny asa vonjy taitra ho an’ny mponina no maro ao anatin’izany. Anisan’ireny ny fisintonana rano raha sendra misy ny tondra-drano izay mahavita mitroka rano 6.000 litatra isaky ny iray minitra. Azo entina any an’elakelan-trano saro-dalana io fitaovana io. Eo ihany koa ny kojakoja maro ampiasaina amin’ny famonjena voina . Ireo mpamonjy voina ihany koa teo an-daniny, nahazo fitaovana ampiasaina amin’ny asany sy ahafahany miaro ny tenany . Na dia sarotra aza ny lalana nitondràna ny fitaovana teto an-tanindrazana dia tsy nikely soroka ireo mpanome fa tonga teto Antananarivo renivohitra ireo fitaovana ireo. Nisolo tena ny Ben’ny Tanàna Lalao Ravalomanana nandritra ny lanonana fanolorana izany omaly ny lefitra voalohan’ny Ben’ny tanàna, kolonely Ramboasalama Emilien, ny filohan’ny filan-kevitry ny tanàna,ny kolonely Faustin Andriambahoaka sy ireo mpiara-miasa aminy akaiky.

Pati