Sosialy

Sambava Nitokona ny mpivarotra

Sosialy
Alatsinainy 05 Oktobra 2020

Raikitra ny diabe sy sy feno horakoraka nilaza ny tao am-pony ary filanjàna sora-baventy nataon` ireo mpivarotra ao Ambodisatrana Manainga Zipo - Sambava ny faran`ny herinandro lasa teo.

Manohitra ny fanapahan-kevitry ny Kaominina any an-toerana amin` ny famindrana azy ireo ary mitaky ny hamelana azy ireo hiverina manamorona ny kianja. Tonga teny an-toerana kosa iroe mpitandro filaminana mba hisorohana izay mety ho fihoaram-pefy ihany koa. Tonga nijery ifotony ny zava-misy ihany koa ny solombavambahoaka voafidy tao Sambava, Ramilison Ange Richard, ka nanambara fa mila samy mitandrina ny tsy hisian'ny fanimban-javatra fa atao am-pilaminana ny fitokonana. Raha tsiahivina dia leo amin` ny famindrana an` ireo mpivarotra in-telo miantoana izy ireo ka izao tonga hatramin` ny fitokonana izao.

Marigny A.