Sosialy

Rotsak’orana be loatra Nandray fepetra ny BNGRC

Sosialy
Zoma 03 Janoary 2020

Manoloana ny rotsak’orana betsaka sy mifanesy eto Antananarivo amin’izao fotoana izao dia misy amin’ireo tany sy vato indray no ahiana hihotsaka.

Araka izany dia tsy maintsy nandray fepetra mialoha ny teo anivon’ny Birao Nasionalin’ny Fitantanana ny Loza Ara-boajanahary (BNGRC). Voalohany amin’izany ny fanentanana ireo rehetra mipetraka eny amin’ny faritra avo mba hanaiky ny fandaminana hapetraka hisorohana ny loza mety hitranga. Voakasika amin’izany ny toerana manodidina an’Ampahamarinana. Na dia misy aza ny fampitandremana dia tahaka ny mahazatra tsy mieritreritra ny hiala na hifindra toerana ny ankamaroan’ny olona mipetraka eny. Vao omaly alina indray anefa no nisy vato iray lehibe no nihotsaka tetsy Ampahamarinana saingy tsy nisy ny aina nafoy fa trano hazo iray no simba ary olona 16 tanatina fianakaviana 4 tafo no tsy maintsy nafindra toerana raha ny tatitra teo anivon’ny BNGRC.

Tsirinasolo