Sosialy

Renirano miha ritra Efa manana vahaolana amin’ny famatsian-drano ny Jirama

Sosialy
Talata 23 Novambra 2021

Vahaolana efa tena lavitr’ezaka no tanterahin’ny Jirama amin’ny alalan’ny famatsiana rano fisotro madio mivantana ny mponina rehefa miharitra tanteraka ny renirano.

Ho an’ny station de traitement napetraka etsy Anosizato ohatra dia efa tena miakatra tanteraka ny loto avy ao amin’ny renirano ka ahiana hanimba ilay milina. Toraka izany koa ny eny amin’iny faritra Alasora sy Ampitatafika iny. Tsy maintsy manafatra citerne mamatsy rano ireo mponina tena sahirana araka izany ny Jirama. Indray mandeha na in-droa isan’andro no hanatontosan’izy ireo izany miankina amin’ny filan’ilay faritra hahafahana miady amin’ny tsy fisian-drano. Raha araka ny fantatra moa dia bombona miisa 180 no efa napetraky ny Jirama teto amin’ny faritra Antananarivo sy Analamanga hatramin’ny nisian’ny olana nateraky ny tsy fahampian-drano teto amintsika izay. Mamatsy olona an’aliny isan’andro izany ho enti-miady amin’ny tsy fahampian-drano.
Pati
Legende : Tahaka izao ny famatsiana rano ny mponina