RAZAFIMANDIMBY RIJA ETHEL

Midina ifotony manampy ireo sahirana

Sosialy
Alakamisy 17 Oktobra 2024

Tena difotry ny fahasahiranana ny ankamaroan’ny tokantrano Malagasy. Ankoatra ny tsy fananan’asa

dia anisan’ny antony mahatonga izany fidangan’ny vidim-piainana ankehitriny ka tsy hahafahana misakafo ara-dalana intsony. Na dia efa mikofona mikarama manasa lamba, mipasoka, matsaka rano aza mantsy ireo Renim-pianakaviana sasany dia mihitsoka daholo ihany koa ireto fidiram-bola ireto vokatry ny fahatapahan-jiro sy ny fahatapan-drano lavareny vatsian’ny orinasa JIRAMA. Anisan’ny antony nanosika an-dRazafimandimy Rija Ethel hijery ireo tena sahirana teto an-drenivohitra izany afak’omaly Talata 15 Oktobra. Renim-pianakaviana mpanao asa soa ity Renim-pianakaviana ity raha tsiahivina no sady manam-piniavana ny hampandroso ny firenena amin’ny alalan’ny fanasoavana ny mpiara-belona. Tokantrano miisa 150 no notsidihiny sy notolorany fanomezana tamin’ny alalan’ny valopy, hetsika izay mbola hitohy hatrany. Ireo Reny mananontena sy efa voky taona nefa tsy misy fidiram-bola no tena notsinjovina tamin’ity hetsika ity.
Pati
Legende : Nojereny manokana ireo Renim-pianakaviana tena sahirana teto !