Sosialy

Ravao Mpanotra etsy Sabotsy Namehana Nijery ny zaza kamboty sy sahirana indray

Sosialy
Talata 25 Jona 2019

Mitohy ny asa sosialy fanaon-dRtoa Ravao mpanotra etsy Sabotsy Namehana, efa nandritra ny 40 taona izao, rehefa ankatoky ny andro fety tahaka izao.

Ireo zaza kamboty sy sahirana eny an-toerana no jereny manokana, araka ny teny voalaza ao amin’ny Soratra Masina notsongaina tao amin’ny Isaia 45:11 manao hoe : « Ary ny zanako sy ny asan’ny tanako dia aoka ho adidiko ihany ». Omaly alatsinainy 24 jona ary dia ankizy manodidina ny 200 isa no notolorany fanomezana toy ny harendrina, kitapo fitondra mianatra, kahie, penina, labozia, biskitra, savony sy kilalao isan-karazany. Ny 14 tamin’ireto ankizy notolorana fanampiana ireto dia kamboty tsy misy mpiahy sy tsy manan-kohanina avokoa ka notolorany fanomezana manokana.

Ntsoavina Evariste