Sosialy

Ranon’ny Jirama nalotobe Fantsona efa antitra no nahatonga azy

Sosialy
Alarobia 16 Janoary 2019

Efa niverina amin’ny laoniny ankehitriny ny lokon’ny rano fisotro madio vatsian’ny orinasa JIRAMA eto an-drenivohitra sy ny manodidina raha tena naloto be ny alatsinainy maraina teo.

Raha ny fanadihadiana natao dia vokatry ny fanampian’ity orinasa ity ireo tokantrano tsy nahazo rano tamin’ny faritra maro no antony ka nikitihana ireo karazana fantsona. Misy amin’ireo fantsona no efa antitra ka mamoaka loto avy hatrany raha vao voakitika izay misy fiantraikany avy hatrany any amin’ny rano mandeha amin’ny paompy mankany amin’ny isan-tokantrano. Ankoatra izay, somary miova loko hatrany ny rano rehefa miverina raha vao misy fahatapahana amina toerana iray. Efa voavaha ny olana, hoy ny tompon’andraikitry ny serasera eo anivon’ny orinasa JIRAMA. Ny hariva ihany dia efa niverina tamin’ny laoniny ary efa milamina avokoa ny isan-tokantrano. Saika niaina tamin’ny fividianana ireo rano voadio anaty tavoahangy sy ny fakana rano tany amin’ny vovo avokoa ny ankamaroan’ireo tokantrano voakasika tamin’io.

Pati