Sosialy

Rano fisotro madio Distrika 16 no hisitraka famatsiana

Sosialy
Zoma 24 Mey 2019

Nampitomboina 56 miliara ariary ny tetibola famatsiana rano fisotro madio ary olona 1,5 tapitrisa no hisitraka izany nmialoha ny faran`ny taona.

Nivoaka tamin`ny fampahafantarana nandritra ny filankevitry ny minisitra tany Antsiranana ny alarobia lasa teo io. Filankevitry ny minisitra voalohany no tanterahina ivelan`Antananarivo. Distrika 16 amin`ireo 119 no voakasiky ny tetikasa rano fisotro madio toy ny any Mitsinjo, Ambalavao, Ambanja, Ambatoboeny, Ambatolampy, Ambilobe, Antalaha, Belo Tsiribihina, Mahabo, Mahanoro, Mananjary, Marovoay, Moramanga, Nosy-Be, Sainte-Marie ary Vohemar. Ny 13,5% ny vahoaka Malagasy ankehitriny no fantatra fa misitraka rano fisotro madio. Nisongadina tamin`ny fampahafantarana ity filankevitry ny minisitra ihany ity koa fa hisy dinika nasionaly mikasika ny fitaovam-piadiana simika, biolojika ary nokleary izay hatao eto Antananarivo ny 5 sy 6 jona ho avy izao, araka ny “resolution” 1543/2004 avy tamin` ny Vondrona Iraisam-pirenena.

Marigny A.