Sosialy

Rano be eny Besarety Vokatry ny vatokely sy tany manentsina tatatra

Sosialy
Alarobia 13 Febroary 2019

Na dia efa nanao izay ho afany nanadio ny tata-drano teny Besarety sy ny manodidina aza ny kaominina Antananarivo renivohitra sy ny Boriborintany fahatelo tamin’ny faran’ny taona 2018 dia mbola manana olana hatrany izy ireo ny amin’ny fiakaran’ny rano.

Vokatr’ilay ora-mikija niseho teto an-drenivohitra ny alakamisy lasa teo mantsy dia tsentsin’ny vatokely sy ny tany daholo indray ny tata-drano eny Besarety sy ny manodidina, antony nampiakatra be ny rano teny amin’ny arabe omaly maraina. Ho ana trano fandraisam-bahiny iray eny an-toerana izay efa nodiovina tanteraka ny tao ambaniny raha ny fanazavan’ny lehiben’ny Boriborintany fahatelo ary antonona olona mijoro dia tsy antonona afa-tsy tanana sisa ankehitriny vokatr’izay fahatsentsemany izay. Na izany aza, hoy ity tompon’andraikitra iray ity dia hiezaka ny Boriborintany fahatelo sy ny kaominina hitady vahaolana maharitra mifandraika amin’izany. Mikasika ireo sarona dalle bangabanga eny an-toerana sy ireo nikisaka noho ny ranon’orana dia hiezaka hijery akaiky izany ihany koa izy ireo ho fiarovana ireo ankizy avy mirava mianatra sy ireo efa zokinjokiny.

Pati