Sosialy

Partagé sur :
• facebook

Tsy mitsipaka ny tolo-dalàna mikasika ny Toaka Gasy vao nolanian’ireo sololmbaavmbahoakan’i Madagasikara tamin’ny herinandro lasa teo araka ny tolotra avy amin’ny depiote vaofidy tany Ikongo izahay,

hoy Atoa Ramamonjisoa Haja filohan’ny Ong Ny Sahy sady mpikambana ao amin’ny kaomisiona nasionaly miady amin’ny alikaola, fa milaza kosa fa mila fanatarana ny andinindininy voalaza ao anatin’io tolo-dalàna io. Tsy misy afa-tsy ny mikasika ny fanamboarana azy sy ny fahazoan-dalana mamokatra sy mivarotra malalaka an’ity vokatra ity mantsy no voalaza ao amin’io tolo-dalàna io, hoy izy, ary ny minisiteran’ny varotra no tena voatonontonona betsaka ao anatiny fa ny minisiteran’ny fahasalamana tsy mba voatonona ao mihitsy amin’ny fijerena manokana ny fahasalamam-bahoaka manodidina ny fanjifana an’izay Toaka Gasy izany. Mazava tsara ao amin’ny lalàna 61-053 ny fiarovana ny ankizivavy manoloana ny fidorohana zava-mahamamo sy ny fivarotana azy izay tsy hita soritra ao anatin’ity tolo-dalàna ity mihitsy. Tsy hita ao anatin’ity tolo-dalàna ity ihany koa, hoy izy, ny amin’ny hoe : misy fahazoan-dalana manokana ve ny fivarotana ny Toaka Gasy manomboka izao ary amin’ny firy ka hatramin’ny firy izy io no azo varotana ? Tsy ahitana andininy milaza fanasaziana « pénale » mihitsy ao anatin’ity tolo-dalàna ity amin’ny ankapobeny. Mbola maro araka izany, hoy Atoa Haja Ramamonjisoa ny zavatra azo hifampiresahana mikasika an’ity tolo-dalàna ity raha ny hevitray.

Ntsoavina Evariste

Tia Tanindrazana

Samia mijoro ho an'i Gasikara.