Sosialy

Raim-pianakaviana maty teny Bevalala Zandary no ahiana ho namono azy

Sosialy
Alarobia 08 Janoary 2020

Resaka vola 2.000 Ar tsy ampy, tokony ho naloan’i José, raim-pianakaviana tamina mpivarotena iray nalainy no nidarohan’ny

zandary azy ka namoizana ny ainy ny alahady lasa teo tamin’ny 03 ora maraina, raha ny filazan’ny fianakaviany. Ny sabotsy hariva tokony ho tamin’ny 06 izy no niharan’ny daroka raha araka ny fanazavan’ireo fianakaviany tamin’ny mpanao gazety, omaly. Nandeha ra ny orony, ny sofiny ary ny fitombenany. Zandary mpiambina ny piste ao Bevalala no nidaroka azy. Ramatoa iray tanàna amin’ity raim-pianakaviana namoy ny ainy ity no nahita ny zava-nitranga ka nanatitra azy nody tany an-tokantranony. Anton’ilay famonoana moa raha tsiahivina ny fisiana mpivarotena iray izay nikiakiaka nanaraka an’i José avy any aoriana ary nilaza fa ananany vola 2.000 Ar ka nampitroatra ilay zandary nikasi-tanana ity farany hoy ireo nanatri-maso. Mangataka ny hanaovana autopsie ny razana moa ny rain’Itompokolahy hahafahantarana ny tena marina sady miantso ny jeneraly Ravalomanana, sekreteram-panjakana miadidy ny zandarimariam-pirenena mba hijery akaiky izao raharaha vono olona izao. Raha fanendrikendrehana dia miaro ny zandary izahay fa raha tena nanao ratsy izy mihatra aminy ny lalàna eto Madagasikara. Araka ny fanambaran’ny lehiben’ny Vondrotobim-pileovana Analamanga, omaly teny Ankadilalana

Pati sy Haja Nirina