Sosialy

Raharaha Tahisy Olona 11 hatreto no efa nalaina am-bavany

Sosialy
Alakamisy 20 Febroary 2020

Anio alakamisy raha tsy misy ny fiovana no fantatra fa hiakatra fampanoavana etsy amin’ny lapan’ny fitsarana ambaratonga voalohany Anosy ilay raharaha Tahisy,

renim-pianakaviana iray 21 taona namoy ny ainy teo am-piterahana ahiahiana ho niharan’ny herisetra izay nataon’ilay olon-tiany sady rain-janany vao 17 taona antsoina hoe : Fanantenana. Olona 11 isa hatreto no efa nalaina am-bavany Ny polisy misahana ny zaza tsy ampy taona etsy Tsaralalana kosa no mandray an-tanana ny raharaha. Anisan’ireny ireo fianakavian’i Tahisy sy ny fianakavian’i Fana ilay tovolahy olon-tiany sady rain-janany. Toraka izany koa ireo olona voasaringotra amin’ity raharaha ity toy ilay mpampivelona nampiteraka an’Itompokovavy, ny mpitsabo, ireo nanaparitaka ny vaovao tamin’ny tambajotran-tserasera. Nisy tamin’ireo olona ireo moa raha ny loharanom-baovao azo no afaka nody avy hatrany taorian’ny fanadihadiana natao taminy. Andrasana izay mety ho tohin’ny raharaha.

Pati