Sosialy

Raharaha fampijaliana an’i Speranto Hitory ny talem-paritry ny mponina any SAVA

Sosialy
Talata 26 Mey 2020

Tonga nijery ifotony an’i Speranto kely ny talem-paritry ny mponina any SAVA, taorian’ny vaovao niely mikasika ny fampijaliana nahazo azy nanomboka tamin’iny herinandro iny.

Fantatra tamin’izany fa na hitory na tsia ny rain’i Speranto, dia hametraka fitoriana ny avy ao amin’ny faritra. Tena voaporofo anefa fa tamin’ny fotoana nipetrahan’izy mianaka tao Besahona, kaominina Andapabe, dia tena nianjadian’ny herisetra sy fampijaliana tanteraka i Speranto. Ilay Rainy indray anefa no nitonon-tena ho nampijaly azy fa tsy ilay vadiny, hono, ary tsy misy hidiran’ity farany izany. Nilaza ny hiaro ity farany hatramin’ny farany mihitsy ny anaolahy raha misy ny fitoriana azy mandeha. Tsiahivina moa fa any Anjagnoveratra izy mianaka no izao nipetraka ao Besahona izao. Vadin’ity Rangahy ity faharoa io arovany mafy io, izany hoe : Renikelin’i Speranto.

Pati L