Sosialy

Progaramam-panadiovana PIAA “Miandry ny hitantanany feno ny SAMVA ny CUA”

Sosialy
Alakamisy 26 Novambra 2020

Nandray ny "Assises de l'assainissement et aménagement urbain" ny Kaominina

Antananarivo Renivohitra (CUA), izay ahafahantsika tompon’andraikitra rehetra mivondrona sy miara-mientana ho an’ny fanadiovana an’Antananarivo, hoy ny ben’ny tanàna Naina Andriantsitohaina omaly. Nataoko laharam-pahamehana ny fanadiovana ny Tanàna, ary efa maro ireo ezaka natomboka. Anisan’izany ny tetikasa HIMO, izay fanadiovana ireo lakan-drano maro tsentsina eto Antananarivo, mba hisorohana ny fiakaran’ny rano amin’ny fotoanan’ny orana, hoy izy. Nambaran’I Naina Andriantsitohaina fa tsy ny eny ambany tanàna ihany, fa voakasika ihany koa ny eny ambony Tanàna, izay anisan’ny manana olana lehibe izy ireo amin’ny fihotsanan’ny tany sy ny lakana fivoahan’ny rano. Efa tsy andrin’ny Kaominina Antananarivo Renivohitra ihany koa ny handraisana feno ny fitantanana ny SAMVA mba hahafahana manafaingana sy manatsara hatrany ny asa, hoy ingahy ben’ny tanàna. Nisaotra ny Ministeran’ny Fanajariana ny Tany sy ny asa vaventy, ny Minisiteran’ny Rano, ireo mpiara-miombona antoka rehetra, izay nanampy betsaka tao anatin’ny tetikasa PIAA ka nahazoana vokatra I Naina Andriantsitohaina, araka ny fanambarany. Hatreto aloha, milamindamina izany ny resaka ambony latabatra, fa ny zava-misy eny anivon’ny fiarahamonina, dia mbola maimbo sy maloto ny tanàna, tsy voataona ny fako,…

Toky R