Sosialy

Petite vitesse, Anosibe Nakatona avokoa ny tsena

Sosialy
Alatsinainy 30 Martsa 2020

Manoloana ny fitangoronan’ny olona marobe eny amin’ireo toerana ahitana tsenamaro toa an’Anosibe, Ambodin’Isotry,

ary Petite vitesse dia mandray fepetra avy hatrany ny eto anivon'ny Polisim-pirenena niarahana tamin'ny Polisy monisipaly ary ny eo anivon'ny Fiarovam-pirenena ny amin’ny fanakatonana ireny tsena ireny. Naparitaka ihany koa ireo olona mbola tonga maro teny amin’ireny toerana ireny. Nentanina hamonjy fodiana ihany koa ireo olona sasany izay mivorivory tsy misy atao eny rehetra eny. Izao fepetra izao no noraisina dia mba hitandroana ny tsy hipariahan'ny valan'aretina Coronavirus ary ho fiarovana ny fahasalaman'ny mponina tsirairay.Tsara ho marihana moa fa tsy maintsy mikatona avokoa ny tsena sy ny trano fivarotana rehetra aorian’ny amin’ny 12 ora atoandro araka ny didy navoakan’ny fitondram-panjakana mba hisorohana ny fitangoronan’ny olona izay manamora ny fiparitahan’ny Coronavirus.

Nangonin' i Pati