Sosialy

Permis sy Carte grise biometrika Mbola 30% ireo tsy voavadika

Sosialy
Alarobia 20 Jona 2018

Mbola betsaka ireo olona tsy nahavita namadika ny taratasy fahazoan-dalana mamily fiara sy ny carte grise-ny ho biometrika amin’izao fotoana izao.

Raha araka ny fanadihadiana natao teo anivon’ny minisiteran’ny atitany mantsy dia mbola mahatratra hatrany amin’ny 30 % ny totalin’izy ireo manerana ny Nosy ka ny eto an-drenivohitra no betsaka indrindra. Tokony hifarana amin’ity volana jona ity anefa ny famadihana ireo antontan-taratasy ireo hanjary ho biometrika saingy tsy maintsy hahemotra, raha araka ny loharanom-baovao azo. Aorian’ny fivoriana maika hiarahana amin’ny minisitra vaovao vao ho fantatra ny daty mifandraika amin’izany. Fanin-telony amin’ity raha tanteraka ny fanemorana ny famadihana ny carte grise sy ny permis hanjary ho biometrika. Saika sahirana amin’ny asa fivelomany avokoa mantsy ny rehetra ka rehefa antomotra foana ny fotoana vao mihazakaza manatona ny centre immatriculateur etsy Ambohidahy, antony tena mampitaraina ireo tompon’andraikitra. Amin’ny andavanandro anefa tsy misy afa-tsy roa sy telo.

Pati