Sosialy

Pavillon Analakely Vehivavy mihajabe sy ankizy no tena mpangalatra

Sosialy
Alakamisy 19 Novambra 2020

Lasa faritra mena tanteraka ny eny amin’ny pavillon Analakely noho ny

hamaroan’ireo mpangalatra sy mpangarom-paosy. Raha araka ny fanazavan’ny renim-pianakaviana iray mpivarotra eny an-toerana dia vehivavy mihajabe sy ankizy ny ankamaroan’ireo manao izany. Ho an’ireo vehivavy dia miaraka 2 izy ireo raha kely. Mody manontany entana ny iray no sady mampiresaka. Rehefa variana ilay mpivarotra dia sady mampiditra entana ao anaty harona ny iray no mbola mahavita mangarom-paosy ihany koa. Toy ny manao fandraikiraikena anefa ireo mpangalatra mandritra izany hoy hatrany ity renim-pianakaviana mpivarotra ity ka tsy mahatsiaro tena ilay mpivarotra raha tsy efa lasa ora iray izy ireo. Ho an’ireo efa very finday indray dia fantatra fa ireo ankizilahy kely no tena manao izany ka tsy mahatsiaro tena ireo voa raha tsy ora iray miala eo amin’ny toerana nahaverezan’ilay finday. Ireo vehivavy mitondra zaza miaraka amin’ny harona moa matetika no tena lasibatra amin’izany.

Pati