Sosialy

Parking manokana eto an-drenivohitra Tsy mbola nisy nahazo fahazoan-dalana

Sosialy
Talata 14 Janoary 2020

Namoaka fanambarana mikasika ny mety ho famaritan’ny mponina sasany eto an-drenivohitra ny tobim-piantsonana ho azy manokana ( parking privé) ny teo anivon’ny kaominina Antananarivo Renivohitra.

Nambaran’ny talen’ny fifamoivoizana eto an-drenivohitra fa tsy mbola nisy nahazo izany hatreto na dia iray aza. Efa tapitra tamin’ny 31 desambra lasa teo avokoa ny fahazoan-dalana manan-kery rehetra nomen’ny kaominina. Tsy misy afaka milaza fa manana na nahazo izany izy ireo. Miandry ny fahavitan’ny tetibolan’ny kaominina amin’ity taona vaovao 2020 ity kosa ny fahafahana mamoaka ny fahazoan-dalana vaovao ankoatra ireo ny fandaminana sy ny fepetra mety horaisina. Mahavoasazy ireo nahazo fahazoan-dalana teo aloha ny fitazomany ireny toerana ireny amin’ny alalan’ny hazo na vato na rojo vy…. iarovana ilay tobim-piantsonana. Hisy moa ny fepetra horaisin’ny kaominina ho an’ireo izay minia mandika fandaminana napetrak’izy ireo.

Pati