Sosialy

Orinasa iray eny Ankadimbahoaka Mamono mpiasa ilay tompon’andraikitra

Sosialy
Zoma 19 Oktobra 2018

Orinasa lehibe iray manana ny maha izy azy dia ireny “zone Industriel” eny Ankadimbahoaka eny no ahitana toe-javatra mamohehatra miendrika tsy fanajana zon’olombelona, hoy ny fampitam-baovao iray.

Malaza amin'ny famonoana mpiasa na lahy na vavy (fikasihan-tanana) ny tompon'andraikitra ao, araka ny fitarainana azo. Efa maromaro ihany ny mpiasa nitaraina fa tsy nisy fiovana hatramin’izay, hoy ny fitarainana. Rehefa nandeha ny fotoana dia feno ny kapoaka, ka niafara tamin’ny fitoriana ity tompon’andraikitra ity ny raharaha. Mpiasa iray no sahy nijoro sy nitaraina fa niaina io fikasihan-tanana io, araka ny fitarainana sy ny vaovao marim-pototra voaray. Manaitra ny sain'ny tompon'andraikitra izy, araka izany, hijery akaiky ity raharaha ity. Marihina fa efa nisy fitarainana nataon'ilay mpiasa any amin'ny manampahefana isan-tsokajiny koa antenaina fa hivoaka tsy ho ela ny momba ity raharaha ity.

Nangonin’i Toky R