Sosialy

Orinasa Ambatovy Nanolotra vary 10 taonina ho an’ny CUA

Sosialy
Zoma 28 Janoary 2022

Ao anatin’ny ezaka fanampiana vonjitaitra ireo traboina vokatry ny rotsak’orana namely ny faritra maro teto Madagasikara, indrindra, ny teto an-drenivohitra dia nanolotra vary 10 taonina ho an’ny kaominina Antananarivo

Renivohitra (CUA) ny orinasa Ambatovy omaly alakamisy 27 janoary 2022. Izao anjara biriky nentin’ny orinasa izao dia natao indrindra mba ho fanampiana ireo traboina amin’ireo zavatra ilainy tena maika indrindra ary manampy ny ezaka efa ataon’ny CUA amin’ny fandraisana an-tanana sy fikarakarana ireo traboina any amin’ireo toerana natokana handraisana azy ireo eto Antananarivo Renivohitra, hoy hatrany ny fampitam-baovao. Nandray io fanampiana io ny ben’ny tanànan’Antananarivo, Naina Andriatsitohaina. « Mitondra ny anjara birikiny amin’ny fanampiana vonjitaitra ireo traboina eto Andrenivohitra Ambatovy amin’ny alalan’ny fanohanana ireo ezaka efa ataon’ny Kaominina Antananarivo, toy ny efa nataonay tao Moramanga omaly », hoy ny filoha lefitra misahana ny fandrosoana lovainjafy ao Ambatovy, Philippe Beaulne, nandritra ny fanolorana ireo fanomezana ireo. Izao tolotra izao dia tohin’ny fanampiana efa nomen’Ambatovy ireo traboina ao amin’ny distrikan’i Moramanga, izay nomena vary 10 taonina, ny alarobia 26 janoary 2022.
J. Mirija