Sosialy

Orinasa afakaba Nikatona ny 4 tamin’ireo mpikambana GEFP

Sosialy
Alarobia 26 Aogositra 2020

Sehatr’asa isany nitondra nisedra fahasahiranana tao anatin’izao fahamehana ara-pahasalamana noho ny valanaretina coronavirus izao ny orinasa afakaba. Ho an’ireo mivondrona eo anivon’ny GEFP (Groupement des Entreprises Franches et Partenaires)

dia fantatra fa 4 tamin’ireo 101 mpikambana no nikatona tanteraka. Niasa tamin’ny ampahany ny 54% tamin’ireo orinasa afaka nanohy asa. Nanao asa ampitain-davitra na « télétravail » ny 10% ; nanao fiatoana ara-teknika ny 17%. 34% no afaka niasa tamin’ny ora feno. Na eo aza ny olana sedrain’ny orinasa, saika manerantany dia misy ny azontsika araraotina ihany indrindra ho an’ny sehatra fanodinana lamba raha ny fanazavan-dRakotoarisoa Hery Lanto, filohan’ny GEFP. Sahirana i Bangladesh, miakatra ny sandam-pamokarana any Chine, ny vokatra Malagasy anefa tian’ny Amerikanina, hoy izy. Ka tokony hanampy amin’ny fampahafantarana sy hanao tosika amin’izany ny fanjakana, araka ny fanazavany hatrany.

Jean D.