Sosialy

Orinasa afaka haba Mihena ny fidiram-bolan`ireo mpiasa

Sosialy
Alatsinainy 18 Janoary 2021

Nahitàna fiantraikany tamin` ny famokarana sy ny asa raisin`ireo orinasa afaka

haba amin`ny sehatry ny lamba sy ireo mpiasa noho ny fiverenan` ireo firenena maro any ivelany indray amin` ny fihibohana. Saika ireo firenena eoropeanina sy amerikanina no firenena anisan` ny manafatra betsaka ireo entana vokarintsika eto Madagasikara. Miantoka ny fahafahana mahazo asa betsaka ho an`ny orinasa ny fisian`ny fitoniana amin`ny lafiny rehetra saingy tsikaritra fa misy fiantraikany amin`ny fanafarana ireo vokatra ho any ivelany ny valanaretina Covid-19. Izany dia miantraika mivantana amin`ireo mpiasa eny anivon` ireo orinasa afaka haba. Tsy vitsy no mitairana satria misy fiantraikany amin` ny fiainana andavanandrony mihitsy ny tsy fisian` ny asa. “Mihena ny ora hiasana ; foana ny tombotsoa kely mba hahazoana ora ambony ampanga (heures supplémentaires)” hoy ny mpiasa iray ao amin` ny orisana afaka haba iray etsy Anosizato. Tsy ny mpiasa ihany anefa no matiantoka fa na ireo orinasa mihitsy aza. Tsiahivina fa mampiditra vola betsaka anaty kitapom-bolam-panjakana amin ny alalan`ny hetra efainy ireny orinasa tsy miankina ireny izay azo heverina fa mbola tsy tafarina amin`izao indrindra ireo orinasa afaka haba mpamokatra lamba.

Marigny A.