Sosialy

Ora fanariana fako eto an-drenivohitra Manomboka amin’ny 5 ora hariva ka hatramin’ny 8 ora alina

Sosialy
Zoma 12 Oktobra 2018

Betsaka ireo olona tsy mahafantatra ny ora fanariana fako eto an-drenivohitra, hany ka manatanteraka izany amin’ny fotoana tsy tokony hanaovana azy.

Nanamafy omaly ny lefitra voalohan’ny Ben’ny tanànan’Antananarivo Renivohitra ny kolonely Ramboasalama Emilien fa isan-kariva manomboka amin’ny 5 ora ka hatramin’ny 8 ora alina ny ora fanariana fako eto an-drenivohitra, araka ny didim-pitondrana avy amin’ny kaominina laharana faha-826 tamin’ny taona 2013. Aorian’ireo ora telo ireo dia efa miasa indray ireo fiarabe hofain’ny SAMVA mitaona ny fako mihazo an’Andralanitra hisorohana ny valan’aretina tsy hiparitaka, indrindra amin’izao fotoana filatsahan’ny ranon’orana ireo. Nomarihin’ity lefitra voalohan’ny Ben’ny tanàna ity moa fa efa tena manao ezaka amin’ny asa fanadiovana an’Antananarivo ny SAMVA sy ny kaominina ankehitriny na dia tsy tena andraikitr’izy ireo intsony aza izany. Ho an’ny SAMVA manokana dia fantatra fa hividy fiarabe vaovao izy ireo hanampiana ireo efa misy eo am-pelatanana hanomezana fahafaham-po ny mpanjifa.

Pati