Sosialy

Open National de Taekwodo ITF Norombahin-dRabarison Patrick avy any Ambatolampy

Sosialy
Talata 18 Febroary 2020

Nafana tanteraka ny hetsika Taekwondo fiadiana ny “Open National de Taekwondo ITF” notanterahina tetsy amin’ny kianja mitafon’i Mahamasina tamin’ny alahady 16 febroary lasa teo.

Ity fifaninanana ity no nanokatra ofisialy ny taom-pilalaovana WITC “World ITF Taekwondo Council” eto Madagasikara. Ramaroharilala Dinanantenaina mpikatroky ny club Mata Ambatolampy no nandrombaka ny fandresena tamin’izany rehefa nandavo an-dRabarison Patrick avy any Tsiroanomandidy Bongolava. Ity ekipan’i Bongolava ity kosa no nandrombaka ny amboara “Trophée de demonstration” sy ny fifaninanana “Concours de technique speciale” izay namakian-dRakotoarison Nirina Jimmy tamin’ny tongotra ny “Planche” notazomina tamin’ny haavo mirefy 2,25 m. Io ilay antsoina hoe : “Nopi Tchaggi”. Nambaran’i Me Raheriharimahefa Cyprien Michel mpanorina an’ity Taekwondo ITF ity teto Madagasikara fa eo am-piandrasana ny fankatoavana ofisialy an’ity taranja ity eto amintsika dia hotohizana hatrany ny fanofanana an’ireo “instructeurs” sy mpitsara Taekwondo ITF eto an-drenivohitra sy any amin’ny Faritra.

Ny hetsika Taekwondo ITF manaraka dia ny ady ho fanamarihana ny faha-25 taona nampianaran’i Me Randriamahefa Herizo (Promotion de l’expert Kim Se In) an’ity taranja ity teto Madagasikara.

Ntsoavina Evariste