Sosialy

Partagé sur :
• facebook

Mitombo hatrany ny tsikera mahazo an`ny praiminisitra Ntsay Christian, indrindra amin`ny tsy fifehezan`ny ekipany. Namaly bontana an`ny mpanolotsaina manokana iray ao amin`ny primatiora ny filoha mpanorina ny fikambanana Green Cross, Andrianaivoson M.

Gilbert, noho ny filazana fa mpisoloky na mersenera ny tenany ary raisiny toy ny fanalam-baraka izany. Tandindonin-doza ny governemanta Ntsay fa misy akohovavy maneno, hoy izy hatrany. Nilaza izy fa miainga avy amin`ny tantara, fa na tamin`ny andron`ny praiminisitra Tantely Andrianarivo, maro ny tsikera teo anivon`ny ekipany na “staff” ka izao indray misy mpikambana ao anatin`ny ekipan`ny praiminisitra manao teny diso tafahoatra. Maro ny fanapahan-kevitra raisin`i Ntsay Christian no mitanila toy ny “acte de gouvernement” izay mahakasika ny datim-pifidianana. Iaraha-mahita fa ao anatin`ny fotoan`ny fahavaratra isika amin`izao kanefa nilaza ny praiminisitra fa ao anatin`ny main-tany ny 7 novambra ka amin`izao, maro ny kandidà no mitaraina satria na ny peta-drindrina aza simba avokoa ny ankamaroany. Efa nisy taratasy nalefan`ny ONG Green Cross tany amin`ny filoham-panjakana, Rivo Rakotovao, mahakasika ny fametraham-pialan`ny praiminisitra Ntsay ka anjarany no mitsara. Tsy misy ny hanongana azy fa kosa ny fanjakana mitanila ary iaraha-mahita isika amin`izao ka fahadisoana be goavana sy tsy fahombiazana. Mahakasika ny raharaha HFI na Hetsika Fanorenana Ifotony, dia notsindrian`i Andrianaivoson Gilbert fa tsy miaraka velively amin`ny HFI ny ONG Green Cross ary tsy mahafantatra  ny programa sy ny momba ny fanjakana gasy.

Marigny A.

Tia Tanindrazana

Samia mijoro ho an'i Gasikara.