Sosialy

Olona naratra teny Mahamasina Dimy ireo mbola tazonina ao amin’ny HJRA

Sosialy
Zoma 05 Jolay 2019

Mbola miisa dimy hatreto ireo olona naratra mafy vokatry ny fifanosehana niseho tetsy amin’ny kianjaben’i Mahamasina tamin’ny 26 jona hariva teo, tazonina etsy amin’ny hopitaly HJRA, hoy ny profesora Rakoto Alison Olivat.

Ny iray amin’ireo no ankizy 12 taona, tazonina sy arahi-maso ao amin’ny sampana traumatologie D. Ny roa amin’ireo efatra ambiny kosa mbola tazonina ao amin’ny sampana fameloman’aina “réanimation chirurgicale” saingy efa azo lazaina ho mety ihany ny fahasalamany. Tsiahivina fa noraisin’ny fitondram-panjakana an-tanana avokoa ny fanaovana fitarafana, ny fanafody ilaina…. ho an’ireo marary ireo. Miisa 38 izy ireo tamin’ny alarobia hariva teo ary efa nalefa nody any an-tokantranony daholo ny 33. Mikasika ireo razana voalaza fa tsy nisy mpaka kosa noho ny tsy fahafantaran’ny havany azy ireny dia nomarihin’ny profesora Olivat omaly fa efa hita avokoa ny havan’ireo maty ary efa voalevina any amin’ny fasan-drazany daholo izy ireny.

Pati