Sosialy

Olona kizitina sy mora misafoaka Vokatry ny ratram-po sy ny fahasahiranana

Sosialy
Zoma 20 Jolay 2018

Lasa sarotra iaraha-monina ny ankamaroan’ny olona eny anivon’ny fiarahamonina ankehitriny.

Misy ireo voahitsaka kely dia mamono mandratra mihitsy raha tsy lazaina intsony ireo karazana teny maharary avoakan’ny vavany. Noho ny ratram-po mahazo ny olona ankehitriny, hoy i Tatamo Razafindrakoto psikôlôgy no antony mahatonga izany miampy ny fahasahiranana mianjady amin’ny isam-baravarana isan’andro. Tsy azo tsinontsinoavina koa ny karazan’ilay olona izay avy amin’ny fototra niandohany mihitsy. Tadifitra ao ireo tia ady, mahay vava nefa misy ihany koa nosimban’ny fiainana toy ireo tsy nahazo fitiavana tamin-dray aman-dreniny mihitsy fa miasa lava ireto farany noho ny fitadiavana ka manjary maratra am-po ireo menaky ny ainy ary tsy matahotra ny mandratra ny hafa ihany koa. Ny fahaizana, ny fahalalana ary ny fahendrena ihany anefa, hoy Tatamo Razafindrakoto no hahafahana mifehy izany ka tokony hiezaka ny tsirairay avy raha tsy izany tsy feno ny mahaolona azy.

Pati