Sosialy

Olom-pirenena tsy tia fahadiovana Nasaina nanadio tatatra sy namafa lalana

Sosialy
Talata 30 Jona 2020

Araka ny nambaran'ny fitondram-panjakana manoloana ny fihanaky ny valanaretina Covid-19 dia nohamafisina ny sazy omena ireo olona minia tsy manara-dalàna.

Vao maraina ny polisim-pirenena avy amin'ny boriborintany voalohany sy ny fahavalo omaly dia nanatanteraka izany ary nanome asa iombonana ho an'ireo olona mpandalo tsy manaraka ny fepetra. Lohalaharana tamin’ireny ireo zatra manipy fonona bisikoitra, vatomamy, mosoara…. Tafiditra ao anatin’ny fanamafisana ny andraikitra raisin'ny polisin'ny boriborintany voalohany moa izany ankoatra ny fanaraha-maso ireo tsy manao aron-tava. Mila mahatsiaro tena isika olom-pirenena araka izany fa ny vahaolana hisorohana ny fiparitahan'ny valan'aretina COVID 19 dia ny fiarovan-tena hataon’ny olona tsirairay amin'ny alalan'ny fanarahana ny toromarika napetraka ihany fa tsy hiandry mpitandro ny filaminana vao hahalala hatahotra.

Pati